PGL – A escola Semente, primeira escola de ensino em galego, abre convocatória para duas vagas de trabalho, umha a jornada completa e a outra a meia jornada, para a escolinha e a ludoteca. A seguir listamos os requisitos que deverám cumprir as pessoas que aspiram à vaga a jornada completa, bem como os elementos que serám valorados no processo de seleçom.
Para a vaga a jornada completa será requisito ter a titulaçom de mestre/a em educaçom infantil, bem como um compromisso ativo com a língua e qualidade na sua expressom oral. Valorizará-se formaçom em questons de género, titulaçom de técnica/o superior em educaçom infantil, participaçom em movimentos sociais, experiência, vinculaçom com o projeto Semente e conhecimento doutras línguas (especialmente inglês).
Miúdas jogando na escola Semente no dia de portas abertas
Para a vaga a meia jornada será necessário ter formaçom relacionada com a educaçom e a animaçom social (mestre/a, educador/a social, psicopedagogo/a, técnico/a superior em educaçom infantil, técnico/a superior em animaçom sociocultural) e um compromisso com a língua e qualidade na sua expressom oral. Também se valorizará a formaçom em questons de género, a participaçom em movimentos sociais, a experiência em animaçom, a vinculaçom com o projeto Semente e o conhecimento doutras línguas (especialmente inglês).
Instantáneo na jornada de portas abertas
Os currículos devem ser endereçados para curriculos[arroba]sementecompostela.com antes de 30 de setembro.
+ Ligaçons relacionadas:
- Marta Santos e Marcos Lopes: «O nome da escola Semente dá ideia de abrolhar, de começar a vida, nom só das crianças, mas também dum projeto que aspira a crescer» [PGL, 14/09/2011]
- Andamos novamente a sementar. A colheita desta nova espécie será no outono [PGL, 09/09/2011]
- Abre ‘Semente’, primeira escola de ensino em galego [PGL, 31/08/2011]
- Ficha de inscriçom
- Facebook Semente
- Web [proximamente]
- Contacto Semente: sementecompostela [arroba] gmail [ponto] com
- Número de conta (NCG): 2080 0316 29 3000242136
