A Escola Oficial de Idiomas (EOI) de Santiago de Compostela, nomeadamente a sua Equipa de Dinamizaçom da Língua Galega (EDNL), anunciou recentemente uma palestra sobre Carvalho Calero que vai ser realizada telematicamente a 22 de janeiro e um certame de declamaçom de poemas de Carvalho Calero.
A coordenadora da Equipa de Dinamizaçom da Língua Galega, Isabelle Kerdudo, afirmou: “Despedimos o ano 2020, mas seguiremos celebrando o ano das Letras Galegas a Ricardo Carvalho Calero em 2021 com um certame de video poemas e uma palestra”.
A palestra decorrerá na sexta-feira 22 de janeiro às 19h00 em Webex e levará por nome “O Carvalho Calero linguista: da sua gramática ao seu reintegracionismo”. Será proferida por Eduardo Maragoto, professor do Departamento de Português dessa escola e também presidente de AGAL.
Para participar no concurso de declamaçom de poemas do ilustre ferrolano, que decorrerá até ao dia 31 de março, é preciso gravar um vídeo recitando um dos seus poemas, alguns dos quais som proporcionados polo próprio concurso junto com as bases do mesmo. Contará com diferentes prémios.
