PGL – Após dezesseis anos e 769 números, desde que em agosto de 1996 saiu à rua o número zero, desaparece a ediçom em papel de Les Noticies, “semanário independente de informaçom geral”, o único periódico que se imprimia integramente em asturiano.
A empresa editora, Publicaciones Ámbitu, comunicou com umha semana de antecipaçom o encerramento do semanário. Segundo anunciou o fundador do diário, Inaciu Iglesias, Les Noticies continuará publicando as suas informaçons online, numha ediçom digital que será “melhorada” e que explorará “vias novas” através das “produçons audiovisuais”.
A maioria dos conteúdos do número especial de 3 de fevereiro estám dedicados à literatura asturiana e a repassar a história recente do movimento asturiano de reivindicaçom lingüística e do asturianismo em geral, âmbitos em que Les Noticies tivo um papel destacado nos últimos 15 anos.
Les Noticies, que saía à rua nas sextas e custava 1€, despede-se dos quiosques após publicar vinte mil páginas de informaçom, entrevistas, opiniom e reportagens que tentárom normalizar a língua asturiana. Este encerramento une-se ao de Rádio Sele, também a única rádio no idioma astur, em novembro de 2011.
A questom da língua no último mês do “selmanariu”
Os números do mês de janeiro nom faziam pressagiar o encerrametno da publicaçom. No número 765 informava de que o documento das contas públicas apresentado na Xunta Xeneral estabelecia que o uso do asturiano fosse além da atividade de Cultura. Ainda que o projeto de Orçamentos Gerais aprovado polo Conseyu de Gobiernu destinasse umha despesa de 2.135.034€ (675.525 menos que em 2011) para a Direçom Geral de Política Linguística, o Executivo autonómico marcava “o objetivo de fomentar o uso institucional e público de asturiano e galego-asturiano na própria Administraçpm autonómica”.
A capa do número 766 apresentava Gaspar Llamazares, o deputado de Izquierda Xunida -única formaçom parlamentar asturiana cujo website tem a opçom neste idioma, declarando que ia “usar o asturiano no Congresso com o fim de ajudar a fazê-lo visível”. O deputado dava a conhecer a iniciativa que ia levar ao Parlamento para os professores de asturiano virem reconhecida sua especialidade. E no número 767, Alfredo Álvarez, diretor-geral de Política Linguística, declarava que “o asturiano há de ser umha das línguas de comunicaçom das Astúrias” e que as políticas do Governo para com o idioma “querem transmitir à sociedade o valor patrimonial da língua própria e fazer transversais os meios de normalizaçom”.
Entrevista a Álvarez-Cascos na ediçom digital
Se essas informaçons nom deixavam prever o anúncio do encerramento, a concessom de Álvarez-Cascos ao diário digital da primeira entrevista a um meio asturiano após convocar o dia 30 de janeiro eleiçons antecipadas para 25 de março, depois da sexta em que se anunciava o fim daediçom em papel, parecia uma piscadela oportunista ao asturianismo. Mas, como se viu na entrevista [da qual se informará proximamente no PGL], o presidente asturiano exibiu um bipolarismo a simultaneo, e o que parecia conceder com uma mao, denegava-o efetivamente com a outra.
Méndez Ferrin no último número da revista literária «Brixel»
Poucos dias antes, Les Noticies punha a disposiçom dos seus leitores o último número do suplemento «Brixel. Revista mensual de lliteratura», que se publicou junto ao semanário na ediçom do 29 de janeiro. O número 16 da revista cultural inclui, na secçom de Antón García «Vasos comunicantes», a traduçom de dous poemas de Xosé Luis Méndez Ferrín,“presidente anguaño de l’Academia da Lingua Galega y una voz fundamental de la lliteratura europea”. A revista está disponível na internet.
+ Ligaçons relacionadas:
- Ámbitu pon nos quioscos l’últimu númberu de la edición impresa de LES NOTICIES (Les Noticies)
- Publicaciones Ámbitu anuncia’l fin de la edición en papel de LES NOTICIES (Les Noticies)
- Les Noticies (Uikipedia)
- Última capa da ediçom em papel de Les Noticies PDF
- Capas da ediçóm em papel de Les Noticies PDF
- Yá ta accesible n’Internet l’últimu númberu de la revista lliteraria «Brixel» (Les Noticies)
- Nu. 16 del suplementu «Brixel. Revista mensual de lliteratura» [Em issuu]
- Mau transe para o asturiano nos meios de comunicaçon [PGL, 19/12/11]
- Um julgado asturiano diz agora que os servidores públicos nom podem utilizar a língua asturiana [PGL, 31/03/2010]
- O TC espanhol reconhecer o direito dos asturianos a se dirigirem à Administraçom autonómica em asturiano [PGL, 11/03/2010]
- Juíza espanhola impede ‘falar’ em língua asturiana [PGL, 13/01/2009]
- Xuan Bello critica a situaçom do galego e do asturiano no Principado [PGL, 05/01/2009]
