PGL – A empresa imaxin|software ganhou o prémio Leixa-prem que concede a Coordenadora de Equipas de Normalizaçom e Dinamizaçom Lingüística. O galardom foi criado em 1999 para reconhecer o esforços na defesa e promoçom da nossa língua.
Originalmente, o prémio foi cirado polo IES Poeta Anhom de Outes e assumido por umha coordenadora de centros educativos barbançanos e da zona de Outes, até que este ano assumiu a organizaçom a CEDNL.
Os destinarários do prémio, segundo as bases, poderám ser pessoas, entidades ou instituiçons que se caracterizem por umha «defesa ativa da língua galega» em ámbitos como o económico ou empresarial, jurídico e administrativo, cultural e artístico, desportivo, religioso, comunicaçom e publicidade, educacional, juventude e lazer.
Nesta ocasiom, a ganhadora foi a empresa imaxin|software, que recebeu 199 votos. Muito perto ficárom situada a empresa de telecomunicaçons R, com 197, e Alimentos Amorodo, com 186, segundo se pode ver no website do prémio.
Da organizaçom salientam que imaxin|software utiliza a nossa língua em todos os ámbitos de gestom da empresa e até desenvolveu soluçons tecnológicas para a introduçom do galego no mundo empresarial.
+ Ligaçons relacionadas:
- Web do prémio Leixa-prem
- Mais notícias no PGL sobre imaxin|software
- J.R. Pichel: «A diferença entre “Eu falo galego” e “Eu falo português” é só uma palavra» [Entrevista no PGL a José Ramom Pichel, de imaxin|software]
