PGL – Embora a empresa Monbus ter nascido e crescido na Galiza, além da sua principal clientela ser galega, continua sem empregar o galego ou fazendo-o muito timidamente, quer na publicidade quer na sua página web, em que nom existe.
Do colectivo internauta Ciberirmandade da Fala (CIF), lembram que a empresa, originária de Monforte, aspira a tornar-se no primeiro grupo de transporte do Estado espanhol e para isso receberá umha ajuda do Instituto Galego de Promoçom Económica (IGAPE) de 6 milhons de euros.
Se usas ou usaste alguma vez o transporte colectivo para te deslocar polo País, quase com certeza que subiste a algum autocarro da empresa Monbus, por isso da CIF animam a enviar para Monbus o seguinte rogo, disponível em galego ILG-RAG, pedindo-lhes que galeguizem o atendimento ao cliente, tanto a nível telemático quanto presencial.
