PGL – O eArte-Portal de Arte e Cultura, de Portugal, vem de fazer um convite a AGAL e a todas as e os artistas e criadores, do âmbito da lusofonia, para a sua participaçom neste site, querendo contribuir assim para a promoçom e divulgaçom da arte e a cultura.
Este Portal tem entre os seus objectivos:
– Criar umha comunidade de criadoras e criadores e actores culturais (artistas, galerias, instituiçons…) que dê em estabelecer umha rede social abrangendo todos os países que se enquadrem no âmbito da lusofonia.
– Definir, configurar e gestionar os conteúdos que, as e os artistas ou criadores, desejem introduzir cá (registo de obras, currículum das e dos artistas, notícias, eventos…) através de internet, de forma fácil e autónoma.
– Gerar e promover oportunidades às e aos artistas apresentarem os seus trabalhos para, deste modo, estabelecer relaçons sociais e profissionais.
– Preservar e divulgar qualquer um tipo de criaçom artística e cultural, malia disseminaçom desses conteúdos por diferentes canais e meios.
– Promover a participaçom ativa e regular, em que os atores culturais, quer as e os artistas, quer os críticos, ou quer também as e os visitantens podam discutir as obras, tendências, etc.
– Assim mesmo incentivar o comércio electrónico de Arte e Cultura para que estas e estes atores e artistas podam tirar vantagem na utilizaçom das novas tecnologias da informaçom.
A arte e a cultura som parte integrante e decisiva das sociedades humanas, nelas se origina, medra e desenvolve, através de diferentes formas de expressom visual, auditiva, táctil, ou escrita. Esta última, desde o espaço lingüístico da lusofonia, em que estamos imersos, é parte substancial e inerente da nossa identidade. Espaço que conjuga um tronco lingüístico comum com a diversidade natural, cultural, social, criativa, de sentir, fazer, expressar, dos diferentes e mesmo distantes países que o integram, mas que engendra umha incrível riqueza que permite a realizaçom de todos aqueles aspetos, em que as pessoas medrem em conhecimentos, destrezas, capacidades, potencialidades, que som a base dumha sociedade sana, na procura da igualdade e liberdade, que precisa da necessidade de se desenvolver individualmente, para se integrar e progredir socialmente.
Agradecemos desde o nosso site o convite para partilharmos um espaço comum, rico e diverso da lusofonia, que há permitir a construçom dumha nova globalizaçom, baseada na livre expressom social, cultural e artística de todos os povos, em pé de igualdade, para construirmos entre todas e todos um novo mundo em que a biodiversidade seja um valor essencial e o espaço lusófono um dos mais firmes defensores e iniciadores na construçom das novas democracias reais e participativas.
