PGL – A Câmara de Donostia acaba de ponher em andamento umha iniciativa para que os imigrantes falem a língua basca, com cursos de iniciaçom de 60 horas que serám subvencionados polo instituto HABE e a Direcçom de Imigraçom do Goberno Basco.
A iniciativa foi apresentada pola concelheira de Euskara no Consistório, Ainhoa Beola, acompanhada do director do euskaltegi Urrats, Isidro Yoldi, e dous membros da associaçom Esperanza Latina, Carmen Muñoz e Rubén Mijichich.
Os alunos deverám adiantar umha quantidade “simbólica” para formalizar a matrícula. Esta quantia será devolvida na íntegra se assistem às aulas com regularidade.
Os cursos terám umha duraçom de três horas e serám leccionados nos domingos na sede da associaçom Esperanza Latina. O programa de iniciaçom, denominado ‘Aisa’, oferece noçons básicas do idioma (saudaçons, números etc.) para os que começam a aprender o basco pola primeira vez, assim como umha continuaçom que amplia os conhecimentos elementares adquiridos num segundo nível.
O Patronato Municipal do Euskara intentará implantar este programa em associaçons similares dada a acolhida da iniciativa Aisa em Donostia, onde mais de cem imigrantes aprendem a língua basca.
