PGL – Os diretores dos únicos meios impressos em galego refletem a 31 de março, quinta-feira, a partir das 20h30 acerca das perspetivas de futuro. Será num ato organizado pola associaçom compostelana A Gentalha do Pichel (Rua Santa Clara nº 21, rés-do-chao).
Participantes
- Alfonso Riveiro, diretor do gratuito De Luns a Venres (Grupo El Progreso)
- Xavier Cea, subdiretor do diário Galicia Hoxe (Grupo Correo Gallego) e presidente da Associaçom de Meios Escritos em Galego
- Carlos Barros, diretor do mensal Novas da Galiza (Minho Media S. L.), único meio generalista que aposta no reintegracionismo
- Luís Álvarez Pousa, diretor da revistaTempos Novos e professor de jornalismo na USC
Da Gentalha do Pichel explicam que a recente desapariçom de alguns meios escritos na nossa língua deixou um «panorama preocupante» neste ámbito da comunicaçom social. Nos dias de hoje, «entre umha esmagadora presença de jornais em espanhol», só continuam em galego quatro publicaçons generalistas de ámbito nacional, embora todas de natureza diferente —um diário ‘clássico’, um gratuito, umha revista mensal de análise e um jornal mensal—.
Nos últimos tempos, a situaçom dos meios em galego tem sido objeto de diferentes debates. Os mais recentes já fôrom neste mesmo mês, primeiro na seqüência das II Jornadas Galego-Portuguesas de Ediçom Independente, e mais para cá num ato organizado polo coletivo A Nave das Ideas.
