PGL – A empresa galega Dinahosting comercializa desde hoje o domínio de internet .GL sob o lema «o .GL soa a domínio galego, estamos no mundo!». Segundo explicam, «assim, todos os particulares, colectivos, instituiçons e empresas que o desejarem poderám registar sem qualquer tipo de restriçom umha extensom de grande potencial».
Este potencial deve-se, segundo a sua análise, graças à «proximidade fonética» com os gentílicos «galego» e o topónimo «Galiza», e a que há umha «enorme quantidade de nomes de domínio ainda disponíveis para registo».
Apesar de que o domínio .GL está vinculado à Gronelándia, graças ao acordo entre Telepost (empresa pública desse país) e Dinahosting, «o público galego poderá aceder quase em ‘exclusiva’ a um novo activo com que criar umha marca distinta». Ainda, a comunidade gronelandesa, de uns 57 mil habitantes, «beneficiará-se da obtençom de recursos adicionais para o seu desenvolvimento».
O uso comercial de domínios por afinidade fonética é habitual na rede, como acontece nos domínios das ilhas Tuvalu (.TV), usado polas televisons e o audiovisual, ou o de Colômbia (.CO), que explora a proximidade com a abreviatura do inglês Company, entre outros exemplos.
