PGL – O porta-voz de Língua do BNG no Parlamento, Bieito Lobeira, reclamou resposta por escrito acerca das razões da exclusom do galego em formulários da Conselharia da Educaçom.
Segundo o parlamentar nacionalista, certidões de empresa expedidas pola Conselharia, ao menos no caso do Departamento Territorial de Ponte Vedra, estám apenas redigidas em castelhano, mesmo no caso «de pessoas que têm reclamado o direito a realizar em galego estra tramitaçom administrativa».
Para o BNG trata-se de factos «gravíssimos», especialmente quando o departamento chefiado por Jesús Vázquez é responsável pola Secretaria Geral de Política Lingüística. Neste caso, a Conselharia «nom só abdica da sua responsabilidade, mas até vulnera a legalidade vigente em matéria lingüística», denuncia Lobeira. Em opiniom do parlamentar nacionalista, «cumprem explicações, mas também depuraçom de responsabilidades e, sobretudo, garantias de correçom imediata do comportamento antigalego» descrito.
