PGL Países Cataláns – O Síndic de Greuges, instituiçom equivalente ao Defensor do Povo no País Valenciano, vem de recriminar ao Conselho autonômico que nom garanta o ensino em catalam, língua co-oficial sob a denominaçom de valenciano.
Esta queixa está na linha das denúncias que determinados sindicatos, partidos políticos e entidades civis estam realizando à política da Conselharia de Educaçom . Denúncias que incidem na pouca formaçom do professorado para expressar-se na língua catalá o que provoca que, em muitos casos, se ministrem as aulas integramente em castelhano violando o estatuto da Comunidade.
Esta recriminaçom parte dumha denúncia realizada polo pai dum aluno escolarizado na «opçom de valenciano» do liceu La Garrigosa de Meliana (l’Horta Nord) e que, nom obstante, recebia a maior parte das cadeiras em castelhano.
Até a altura, a Direcçom Geral de Ordenamento e Centros Docentes defendeu-se afirmando que Educaçom faz o possível para garantir o direito a um ensino em valenciano e que o caso do liceu mencionado deve-se às mudanças no professorado do Centro.
+ Fonte:
El Síndic de Greuges retrau al Consell que no garantisca l’ensenyament en valencià. Pàgina 26, 25 de Janeiro de 2009.
