José Alberte Corral – Nesta sexta-feira, dia 20 de Fevereiro, o sociólogo e antropólogo, Manuel Rivero apresentará na Corunha o seu livro De Roncesvales a Compostela. dado à estampa pola AGAL Editora. O evento é organizado pola Agrupaçom Cultural O Facho.
Manuel Rivero Pérez é membro investigador do Centro de Cultura Popular da Límia e do Núcleo de Estudos e Pesquisas de Monte Laboreiro. A Límia, A Maragateria e Castro Laboreiro som as comarcas que desde o ano 1982 centram os seus trabalhos de campo. As suas investigaçons estám publicadas em meios especializados: Revista de Folkore, Arraianos, Agália, Lethes, etc. Assim mesmo é membro da equipa criadora do Método QCOACHA de formaçom de habilidades directivas. Ocupou durante dous mandatos do Conselho de Agal a responsabilidade da Tesoureira da Associaçom.
De Roncevales a Compostela é umha obra multidisciplinar. Por umha banda trata-se de umha crónica de viagens onde fala de história, e sobretudo da arte que acha polos lugares por onde passa. Pola outra é umha reflexom sobre o homem. É um livro de gozosa leitura.
