O cabalo de Alberte Merlo é um trabalho audiovisual realizado por três estudantes de bacharelato de Compostela, baseado no relato homónimo de Álvaro Cunqueiro e realizado como trabalho de aulas por Aarón Vilariño, Artur Váquez e Alejandro G. Pita.Segundo os autores é um projeto sem mais pretensom que a do entretenimento e a de lançar umha mensagem de cordialidade para este ano Carvalho Calero. É dizer, nada deve ser tomado mais a serio do que é: a tolémia de três rapazes estudantes de bacharelato.
Com 18 anos, Artur Vázquez e Alejandro G. Pita atuarom e colaborarom na elaboraçom do guiom, e Aarón Vilariño foi o encarregado da direçom e montagem. Artur é um apaixonado das matemáticas e da física, de facto este ano ganhou a olimpíada escolar de física a nível galego e está à espera de competir no nível estatal. Alejandro, pola sua parte, adora história e aspira a estudar essa carreira assim que remate o bacharelato. E Aarón aspira a estudar e dedicar-se ao cinema, já agora compatibiliza os seus estudos com a realizaçom de video-clipes, curtas e todo aquilo que poda ser gravado cumha câmara e editado com um computador. Tem realizado vídeo-clipes para grupos como Os Novos, Barbitúricos e Ruxe Ruxe, vídeos de divulgaçom científica, comerciais…
