PGL Países Catalães – O Parlamento do Aragom, com maioria do Partido Popular (PP), votará na próxima quinta-feira a nova Lei de Línguas. A norma desfaz parte da redaçom anterior e, além de eliminar a exígua proteçom das línguas catalã e aragonesa, altera o nome da primeira para Língua Aragonesa Própria da Área Oriental (LAPAO).
O procedimento é similar à do PP nas Ilhas Baleares, que modificou também a legislaçom vigorante, também com os mesmos dous objetivos: debilitar a proteçom do catalão e suprimir a denominaçom da língua. Destarte, para o vindouro ano escolar haverá livros de texto em maiorquim, minorquim e eivissenco.
Nom falta quem intente tomar com humor estas atuações políticas que, no mínimo, resultam surrealistas. Como exemplo, o diário Ara informa de umha destas respostas: um tradutor automático catalão-LAPAO para dispositivos Andoid. Como se pode comprovar na imagem anexa, as diferenças som abismais.
+ Ligações relacionadas:
- Isolacionismo balear: presidente do Governo balear anuncia que os livros de texto estarão em ‘balear’ o próximo curso [PGL, 10/04/2013]
- Governo do Aragom tramitou a lei que marginaliza as línguas aragonesa e catalã [PGL, 06/08/2012]
- Supremo Tribunal espanhol reconhece a unidade da língua catalá [PGL, 28/07/2012]
- O PP, rumo a umha limitaçom ainda maior dos direitos lingüísticos dos falantes de catalám e aragonês [PGL, 22/06/2012]
- Novos governos do PP ameaçam catalão no Aragom e nas Baleares [PGL, 10/01/2012]
