PGL – A Associaçom Galega da Língua (AGAL) chama a sua base social e simpatizantes a participarem o 17 de Maio na manifestaçom em defesa da língua que arranca às 12 horas. Para esta cita, a AGAL terá faixa própria com a legenda «A nossa língua é internacional». A associaçom marca como ponto de encontro a fonte situada na zona da Alameda mais próxima da Porta Faxeira.
Há ainda umha outra convocatória reintegracionista. Atrás da faixa «Na Galiza, só em galego», marca como ponto de encontro a conhecida estátua das Marias, e situará-se posteriormente no final da manifestaçom, a modo de ‘bloco crítico’. As diferentes organizaçons que promovem esta iniciativa proponhem visibilizar-se com a cor laranja, e lançárom um manifesto intitulado «A língua por bandeira: Na Galiza, só em galego! Pola oficialidade única do galego».
Do Conselho da AGAL chamam a todas as pessoas reintegracionistas e simpatizantes a participarem de maneira «maciça e entusiasta» nesta jornada de defesa da nossa língua.
+ Ligaçons relacionadas:
