A Mesa apresentou umha listagem de seis «medidas urgentes» para a normalizaçom da língua galega. Entre elas salienta umha reivindicaçom históirca: a petiçom de assinamento de um convénio com a Rádio e Televisão de Portugal (RTP) para alargar ao nosso país o seu sinal, ao tempo que a Companhia de Rádio/Televisom da Galiza (CRTVG) também emitira para o território português.
As restantes cinco iniciativas da Mesa visam fomentar o papel normalizador da CRTVG, incrementar o ensino em galego, alargar a presença da nossa língua na Administraçom, galeguizar os transportes públicos e condicionar todas as subvenções à «utilizaçom efetiva» do galego —sobretudo no caso das destinadas à Igreja Católica e aos meios de comunicaçom.
Em opiniom do presidente da Mesa, Marcos Maceira, estas seis medidas som «urgentes, rápidas e eficazes para começar a reverter o processo de substituiçom lingüística» do galego polo castelhano.
Segundo Maceira, as propostas recolhidas pola Mesa já som «aparentemente assumidas» por todas as forças políticas e sociais, muitas já recolhidas em acordos nacionais como o Plano Geral de Normalizaçom da Língua Galega ou em tratados internacionais. Por esta razom, nom considera que deva existir qualquer impedimento para cumprir o que já está acordado.
