PGL – Continua o ciclo de cinema da rua organizado pola A. C. Revolta do Berbés para as sextas-feiras do mês de agosto. Se na passada semana se projetou Os Espigadores e a Espigadora, hoje exibirá-se a partir das 19h O Espírito das Trincadeiras, de Seném Outeiro. Precisamente o autor participará na projeçom e a seguir haverá um bate-papo com ele por volta deste trabalho.
N’O Espírito das Trincadeiras, Outeiro recupera a vitoriosa luita vicinal de umha comunidade de montes contra o intento expropriador dos construtores da autovia Vigo-Porrinho.
Já para a vindoura semana, a dia 26 projetará-se A Doutrina do Shock, da autora antiglobalizaçom Naomi Klein, «oportuna análise do funcionamento do capitalismo internacional», indicam da Revira. O ciclo encerrará com E a Guerra só Acabou de Começar, anónimo, mas atribuido ao coletivo francês Tiqqun, que propom umha perspetiva filosófica e poética da realidade atual e da luita contra o sistema.
Noite de ska e reggae no C. S. Revira
Para o sábado, dia 20, a A. C. Revira de Ponte Vedra programou umha noite de ska e reggae no seu local social. Inclui a projeçom de The Harder They Come (1972) e umha ceia de confraternizaçom, e mais tarde, já de madrugada, noite jamaicana no Meigallo Rock Club.
NOTA DA REDAÇOM: Por um erro, na versom original da notícia apareciam as duas atividades como próprias da Revira. Pedimos desculpas polo erro.
