PGL – A Escola Popular Galega continua com a difusom de algum dos aspectos esquecidos da nossa história, nesta ocasiom co-organizando seminários com os colectivos barbançaos Roi Soga e Aturujo.
No sábado dia 13, na Casa da Cultura de Noia, abre-se a jornada às 11h00 da manhá, com os contemporaneístas Carlos Velasco e Uxio-Breogán Diéguez. Falarám da experiência da II República e das origens do nacionalismo e do arredismo, respectivamente.
De tarde, a partir das 18h00 no mesmo lugar, o veterano militante galego Luís Gonçález Blasco Foz, dará a sua palestra sobre a reorganizaçom nacionalista na década de sessenta, em que foi co-fundador da Uniom do Povo Galego.
As jornadas continuam no dia seguinte, às 11h00 da manhá, no centro social Aturujo de Boiro. Júlio Teixeiro apresentará um relatório sobre nacionalismo e modernizaçom, enquanto Duarte Abade falará das origens do Reino da Galiza.
A assistência às jornadas será, como sempre, de graça, e as pessoas interessadas poderám conseguir lá os cadernos com os trabalhos de investigaçom que a EPG está a divulgar.
+ Ligaçons relacionadas:
