PGL – Hoje, terça-feira dia 15 de dezembro, a Agrupaçom Cultural O Facho, da Corunha, organiza umha nova conferência do ciclo Língua, Literatura e Naçom. O professor José R. Freixeiro Mato, da Universidade da Corunha, será o encarregado de ministrar a palestra, intitulada O galego desde a perspectiva histórica e no momento actual.
O Professor Freixeiro Mato, depois de obter o doutoramento na Universidade da Corunha no ano 1992 com umha tese sobre Noriega Varela e a ediçom crítica da sua obra completa, acedeu no ano 1993 a umha praça docente nessa mesma instituiçom, onde na actualidade é Catedrático na Faculdade de Filologia na área de Filologia galego-portuguesa.
Possui umha abondosa obra publicada, da que se destacam obras como Sebastián Martínez-Risco na cultura galega; António Noriega Varela. Estudo e ediçom da obra completa; Rafael Dieste: Vida, personalidade e obra; Antologia da prosa literária medieval; Os séculos escuros e a Ilustraçom galega. Antologia; Língua galega: Normalidade e conflicto; Historia da língua galega; Gramática da Língua Galega (IV volumes) ou Língua, naçom e identidade.
Acto:
Dia: 15 de dezembro 2009 – Hora: 20:00
Local: Fundaçom Caixa Galiza
Cantom Grande – Corunha
+ Ligaçons relacionadas:
