O quarteto, vinculado à Costa da Morte, conta com um atraínte espectáculo ao vivo e destaca a voz inconfundível da sua vocalista, Adhara Caamaño.
Adhara & Ritman apresentam este sábado, às 20 horas, na Casa-Museu Manuel María, Por elas, o seu segundo trabalho musical. Um disco inspirado principalmente na figura de Rosalía de Castro e na tradiçom folclórica popular galega.
Adhara Caamaño, voz, Tito Barbeito, guitarra, Andrés Castro, baixo, e Arturo Kress, bateria, fazem umha proposta ligando o seu particular folk, misturando a tradiçom com outros estilos como o soul, funky, reagge, rythm and blues… e na que destaca a inconfundível voz da vocalista de Lira (Carnota), Adhara.
Finalistas no XI Concurso Fran Pérez Narf, da Deputación da Coruña, e ganhadores do XXI Concurso de bandas de CUAC FM, Adhara & Ritman leva actuado em importantes festivais e salas galegas como a Capitol, Mardigrás, Garufa ou Filomatic.
Por elas é um trabalho produzido, gravado e editado em Kress Music Studio, dirigido polo próprio bateria da banda Arturo Kress e composto por Adhara Caamaño e Tito Barbeito. Libre son (2017) foi o seu primeiro disco e ambos estám ilustrados pola pintora e escultora da Costa da Morte, Viki Rivadulla.
Para assistir ao concerto é necessario fazer a reserva em contacto@casamuseomanuelmaria.gal ou no whatsapp neste contato 698177621. O preço do bilhete som 5 euros.
