| Caras e caros irmã(o)s,
 Este ano a nossa associaçom aproveitará a jornada do 25 de julho para repartir gratuitamente o Fest-AGAL e para retomar a operaçom de captaçom de sócios e sócias que começou no passado dia 17 de maio. O mote que dará unidade a ambas as atividades será, como no Dia das Letras, “Umha terra, um povo, umha fala, e duas normas para grafá-la”, que é o lema da campanha com que pretendemos explicar à sociedade galega o interesse de umha futura política binormativista semelhante à que desfrutam na Noruega. Ainda, como cada ano, voltaremos a levar os livros da Através Editora às milhares de pessoas que nesse dia visitam o Festigal.
Se quigeres dar umha maozinha a repartir o Fest-AGAL, ela é sempre bem-vinda. Basta enviares um email a presidencia@agal-gz.org para organizarmos melhor a distribuiçom. De qualquer modo, ao longo do dia, poderás encontrar-nos seguintes locais:
- Manhá 25 julho (10h45): organizando voluntariado e tomando um vinho n’Arca da Vella (na rua Sam Clemente, 30, pertinho da Alameda). O pessoal que se disponibilize voluntário para a distribuiçom do FEST-AGAL será “presenteado” pola AGAL com um livro da Através e com umha bonita t-shirt que reivindica que o galego, como o noruguês, também pode contar com duas normativas oficiais.
- Manhá 25 julho (entre 11h15 e 12h): na fonte da Alameda que fica em frente do Instituto Rosalia, distribuindo os pacotes do Fest-AGAL entre as pessoas voluntárias para o repartir na manifestaçom.
- Ao longo do dia 25: na banca da Através no Festigal (Câmpus Sul, de 15h a 22h), onde poderás adquirir os livros da Através que ainda nom compraste este ano e outros materiais, como os editados para a promover os nomes dos dias da semana tradicionais ou o binormativismo.
- Ao longo do dia 25: nos diferentes atos políticos dos partidos políticos que esse dia celebram o Dia Nacional.
Fest-AGAL
O Fest-AGAL, boletim anual da AGAL que se distribui apenas no Dia Nacional, já pode ser descarregado aqui. Está dedicado ao binormativismo, mas nele poderás encontrar muitos outros conteúdos que sem dúvida serám do teu interesse. |
