Partilhar

Comissom Lingüística da AGAL reelege Carlos Garrido como presidente

PGL – Na reuniom ordinária da Comissom Lingüística da Associaçom Galega da Língua (CL-AGAL) realizada no fim do passado mês de outubro, o professor Carlos Garrido Rodrigues foi reeleito por unanimidade para desempenhar o cargo de presidente do órgao durante um segundo exercício de quatro anos.

Estudioso da língua especializada, lexicógrafo e tradutor científico, Carlos Garrido (Ourense, 1967) é professor titular de traduçom técnico-científica na Universidade de Vigo e autor, entre outras obras, do Manual de Galego Científico (2000 e 2011) e de Léxico Galego: Degradaçom e Regeneraçom (2011). Para o cargo de secretário da CL-AGAL, foi nomeado o professor Jorge Rodrigues Gomes (Vigo, 1967), docente de língua e literatura galego-portuguesas no ensino secundário e especialista em criptoletos gremiais galegos, quem também vinha desempenhando o cargo no exercício anterior.

Encerra-se, assim, um exercício da CL-AGAL, o do período 2009-2013, notavelmente frutífero, durante o qual a Comissom elaborou e publicou dous documentos codificadores, a Atualizaçom (2010) das normas ortográficas galegas conforme o Acordo Ortográfico da Língua Portuguesa de 1990 e O Modelo Lexical Galego (2012), que lança os alicerces para a configuraçom do padrom lexical da variedade galega do galego-português, bem como pujo em andamento, no seu espaço internético no PGL, um prático consultório de dúvidas lingüísticas. Em relaçom ao novo exercício que agora enceta a CL-AGAL, o presidente recém-eleito referiu-se na exposiçom do seu programa à conveniência  de a Comissom abordar projetos como a elaboraçom e publicaçom de contributos orientadores nas áreas da prosódia e da morfossintaxe do galego e de aprontar umha segunda ediçom, revista e aperfeiçoada, de O Modelo Lexical Galego.

Lançamento de Tourists, go home? na Corunha

Efigénio Moura apresenta o romance Burela numa tournée por oito localidades galegas

Efigênio Moura: “É possível amar um lugar que nos aperta”

Efigênio Moura: “O galego é como se tivesse encontrado um parente que ninguém da família tinha me apresentado”

Ângelo Brea: “O amor pela família, o cuidado dos filhos ou as exigências de uma vida com grandes responsabilidades atravessam os milénios”

Burela, romance do escritor brasileiro Efigénio Moura, disponível em pré-venda na loja online da Através Editora

Lançamento de Tourists, go home? na Corunha

Efigénio Moura apresenta o romance Burela numa tournée por oito localidades galegas

Efigênio Moura: “É possível amar um lugar que nos aperta”

Efigênio Moura: “O galego é como se tivesse encontrado um parente que ninguém da família tinha me apresentado”