Mais de 80 bandas e solistas apresentadas. 10 finalistas escolhidas polo júri. E um intenso processo de votaçom popular através da rede, em que votarom mais de 4400 pessoas -com um sistema de confirmaçom via sms no telefone para garantir a nom duplicidade de votos-. E hoje, 30 de outubro, 110º aniversário do nascimento de Carvalho Calero foi difundido o nome do vencedor no programa Diario Cultural da Radio Galega. O membro da AGAL, Miguel Penas, foi o encarregado de comunicar a vitória de Clásicos Libres, musicando o poema Ferrol 1916.Com o tema Ferrol 1916, a banda vém de conseguir um prémio em metálico de 1.500 euros que entregará a AGAL e, por parte da CRTVG, a promoçom, entrevistas e actuaçom na Rádio Galega e na TVG. O ganhador ou ganhadora poderá gravar o seu tema nos estúdios da Rádio Galega, incluída a gravaçom dum vídeo musical.
A banda está composta por pessoas com formaçom em música clássica. E neste caso fusionam sonoridades pop-rock com matizes de música celta. As pessoas integrantes do grupo som:
Voz e violino: Adriana Arias López (Galiza)
Voz e violino: Ángela Arias López (Galiza)
Piano e arranjos: Giulio Pietropaolo Castellani (Italia)
Baixo elétrico e arranjos: Raúl Mauricio Platz Marroquín (Colombia/Alemanha)
Guitarra elétrica convidada: Özdemir Kalyoncu (Turquia)
Esta é a música vencedora:
