PGL – Anxo Louzao, secretário nacional da Federaçom do Ensino da CIG, assinalou ontem que «a CIG-Ensino nom descarta convocar uma greve na educaçom se Núñez Feijóo decidir derrogar o decreto do galego». Louzao compareceu em conferência de imprensa acompanhado pola responsável de normalizaçom da Federaçom, Marta Dacosta.
Louzao criticou as declarações realizadas por Alberto Núñez Feijóo contra o nosso idioma e assinalou que «é grave e preocupante que o futuro presidente em vez de fazer propostas a prol da normalizaçom, se dedique a citar medidas que acarretam um claro retrocesso».
Para evitar a efectivizaçom destas medidas e travar a “onda de espanholismo exarcebado que vivemos», a CIG-Ensino vai levar a cabo nos próximos meses assembleias em todos os centros educativos da Galiza, nas quais dará conta das consequências da derrograçom do decreto, e tentará conseguir o posicionamento dos claustros de professores, conselhos escolares e ANPAS a favor da normativa.
Ora bem, a CIG-Ensino nom descarta a possibilidade de convocar uma greve geral na Educaçom se finalmente Núñez Feijóo “dá corpo às suas medidas para que se tornem realidade”. “Como organizaçom nacionalista nom estamos dispostos a que seja liquidado o nosso sinal de identidade mais importante, a CIG-Ensino vai estar enfrente com uma luta contínua», asseverou Anxo Louzao.
