PGL – A revista Retranca denuncia que a empresa viguesa de autocarros urbanos, Vitrasa, retirou umha campanha da publicaçom humorística por lembrar a umha outra que promove o ateismo em várias cidades do estado espanhol.
O lema da campanha censurada di assim: «Provavelmente os deuses nom existam, mas a cultura galega sim. Porque nom falamos das cousas que existem? RETRANCA».
Segundo informa Retranca, a única explicaçom que lhes chegou de Vitrassa relacionava a cancelaçom da publiciade pola grande similitude com a campanha dos autocarros ateios («Provavelmente deus nom existe. Deixa de te preocupares e desfruta da vida»)
Com a cancelaçom desta campanha, da revista que promove o humorista gráfico Kiko Dasilva difundírom um comunicado no qual já duvidam da existência dos deuses e mesmo da existência mesma da cultura galega, «que está aqui, com vocaçom de ficar e com bastantes chagas abertas como para que qualquer pessoa […] poda meter os dedos onde lhe pete».
Precisamente, da Retranca asseguram que o que pretendiam fazer era umha campanha para conscienciar as pessoas de que a cultura galega precisa também «que creiamos nela para existir». Agora, «o que já temos claro é que a cultura galega existe, mas nom deixam que se anuncie».
Autocarro de Vigo com a publicidade da revista Retranca
+ Ligações relacionadas:
