PGL – O próximo sábado, 23 de fevereiro a partir das 20h00, a A.C. Almuinha de Marim celebra o seu V Aniversário no Multiusos de Marim. Será um singelo ato com umha homenagem à nossa lingua, dentro da campanha “Em galego todo é possível” que estám a desenvolver desde a associaçom.
O programa é o que aparece a seguir:
- Leitura coletiva de textos em galego de todas as épocas, desde o Período Medieval até a actualidade, por parte dumha dúzia de entidades da vila.
- Interpretaçom de “Alborada” por 2 gaiteiros marinenses, em homenagem ao 150 aniversário do nascimento de Rosalia de Castro.
- Actuaçom musical de Tino Baz.
- Petiscos de balde.
- E algumha surpresa mais…
Todas as atividades serám abertas ao público.
A A.C. Almuinha nasceu com uns propósitos claros, defender e potenciar a nossa língua e cultura e dinamizar a vida cultural em Marim e com o intuito de realizar umha transformaçom social. Assim, da associaçom desenvolveram actividades e festas relacionadas com a língua, o magusto, abertos de bilharda, palestras, roteiros…
+ Ligaçons relacionadas:
- Blogue da AC Almuinha
- https://pgl.gal/noticias/eventos/1651-inauguracom-do-centro-social-da-ac-almuinha-em-marim
