PGL – O Centro Social Arredista, situado na Rua da Costa do Vedor (Sam Pedro, Compostela) organiza para hoje, a partir das 20h30, umha ceia colóquio sobre o reintegracionismo e a construçom nacional galega.
No ato intervirám Tiago Peres, historiador e ativista, quem fará um percurso pola história do reintegracionismo, com especial atençom ao «fulcral papel do independentismo», assinalam da organizaçom; e Eduardo Sanches Maragoto, professor e ativista, quem falará da importáncia do reintegracionismo para a construçom nacional galega.
«Desde que em 1922 o Comité Revoluzonáreo Arredista Galego d´Habana assumiu o português como língua oficial das suas reunions, o independentismo histórico mantivo-se fiel ao reintegracionismo lingüístico como jeito de restaurar a nossa língua», indicam do CS Arredista. Embora o «reintegracionismo retórico» era comum a todo o galeguismo, «os independentistas fôrom os primeiros em pô-lo em prática, desde as páginas d’A Fouce, até o independentismo contemporâneo da APU», incidem.
