PGL – A plataforma soberanista Causa Galiza difundiu hoje um comunidado chamando à participaçom em todos os actos e iniciativas em defesa do nosso idioma que se organizem por todo o país. No texto explicam que «tudo é pouco para deter a brutal ofensiva do espanholismo», que procura «sem subterfúgios ou escussas, desproteger ainda mais o nosso idioma».
De Causa Galiza atribuem a situaçom actual ao «fracasso» das políticas de PSOE e BNG, à qual dedicam adjectivos como «ambígua», «contraditória» ou o mais duro «acomplexada». Acusam o bipartido de nom terem representado apenas um avanço real para o idioma.
Da plataforma soberanista consideram que a autodeterminaçom e a soberania nacional estám «intimamente ligadas com a defesa e o avanço da única língua da Galiza», e sinala a «obriga» das mulheres de homens deste país em «parar e confrontar os ataques que a nossa identidade padece polo pojecto assimilacionista espanhol».
O comunicado finaliza lembrando a «ainda mais precária» situaçom das comarcas estremeiras do Návia-Eu, Berzo, Cabreira e Seabra.
