José Alberte Corral – No dia 22 de Outubro, quarta-feira, o Professor da Universidade de Vigo (UV) Carlos Garrido Rodrigues falará dentro do Ciclo, Literatura e Naçom organizado pola Agrupaçom Cultural O Facho da Corunha. A sua charla versará sobre Léxico galego: ingenuidades, imposturas e escándalos e decorrerá no local da Fundaçom Caixa Galiza (Cantom Grande), a partir das 20h00.
Carlos Garrido Rodrigues é doutor em Biologia pola Universidade de Santiago de Ccompostela e licenciado em Traduçom e Interpretaçom pola UV. Estudioso da língua especializada, lexicógrafo e tradutor científico, Carlos Garrido é professor titular da UV, onde lecciona Traduçom de Textos Científicos e Técnicos Inglês/Alemám-Galego, secretário da Comissom Lingüística da Associaçom Galega da Língua (AGAL), membro do conselho de redacçom da revista Agália.
É autor, entre outras obras, do Dicionário Terminológico Quadrilíngue de Zoologia dos Invertebrados (1997), do Manual de Galego Científico (2000) e de Aspectos Teóricos e Práticos da Traduçom Científico-Técnica (2001).
Também tem traduzidos várias obras, entre as que sublinhamos: Peter Ax. 1999. La sistemática biológica. Plasmación del orden filogenético del mundo vivo. Trad. do alemam, de Systematik in der Biologie. Darstellung der stammesgeschichtlichen Ordnung in der lebenden Natur (Gustav Fischer Verlag, 1988). U.V. Walter Sudhaus e Klaus Rehfeld. 2002. Manual de Evoluçom e Sistemática. Trad. do al., de Einführung in die Phylogenetik und Systematik (Gustav Fischer Verlag, 1992), Edicións Laiovento.
