PGL – Com motivo da proximidade do Dia das Letras, Causa Galiza, Escola Popular Galega e os centros sociais A Revolta e Faísca organizam em Vigo umha jornada de debate e reinvidicaçom «do essencial papel que a língua, como símbolo de identidade nacional, desenvolve no processo de libertaçom nacional», indicam.
Como parte da jornada tratarám o tema da convivência normativa mediante umha palestra em que intervirám o filólogo e poeta Xiao Roel, e o presidente da Comissom Lingüística da AGAL, o doutor Carlos Garrido.
A palestra em que marcarám presença Garrido e Roel começará às 18h30 nas instalaçons da Escola Popular Galega, no nº 12 da Rua Real, em Vigo. A programaçom continua à noite no CS A Revolta (Rua Real nº 32), com um recital poético de 7º ANDAR. Finalmente, polas 22h, também na Revolta, haverá umha ceia.
