PGL – O escritor Carlos G. Figueiras apresenta hoje o seu último trabalho, Três Tristes Sonhos de Princesa. Quero Saber onde se Agacham as Cores, à venda na loja Imperdível. Será na biblioteca Ánxel Casal de Santiago de Compostela às 19h30.
Quero Saber Onde se Agacham as Cores, de Carlos G. Figueiras, foi galardoado com o 1º Prémio Internacional ‘Galescola’ de Criaçom de Material Didático Infantil. Está dirigido a rapazes e raparigas de 7 e 12 anos de idade. Desenvolve com grande imaginaçom umha série de histórias e peripécias muito interessantes e divertidas que acontecem aos seus protagonistas, Ntiam e os seus amigos do Souto Pequeno.
Entre eles estabeleceram fortes nós de amizade, solidiariedade e respeito, valores fundamentais a desenvolver nestas idades. Propom umha série de questons a que devem procurar soluçons para evitar conflitos e aprender a compartilhar e se relacionarem entre eles sempre de maneira amigável e procurando a harmonia dos componentes deste singular grupo de amigos. Um livro muito necessário na coleçom de qualquer biblioteca escolar.
Ainda, cabe mencionar que o livro conta com ilustraçons do desenhador Leandro Lamas, autor, por exemplo, da representaçom iconográfica do Apalpador.
+ Ligaçons relacionadas:
