PGL País Basco – A Cámara Municipal de Donostia (Sam Sebastiám) reedita 30.000 exemplares do dicionário de bolso de basco para turistas. No pequeno volume, que já foi publicado com grande sucesso no verao passado, traduzem-se a sete idiomas palavras e frases de uso freqüente em euskara.
A responsável pola Normalizaçom Lingüística na cámara de Donostia, Ainhoa Beola, anunciou em comunicado oficial a reediçom da publicaçom, que será distribuída nas Oficinas e pontos de informaçom turística, estabelecimentos hoteleiros, bares e restaurantes da parte histórica da cidade e o centro, e em diferentes lojas.
Na publicaçom há lugar para cinco secçons nas que quais se recolhem diferentes tipos de saudaçom, nomes de lugares e situaçom, léxico ligado ao sector dos serviços, os dias da semana, meses, estaçons do ano e ,finalmente, os números.
Para além disso, o dicionário recolhe informaçom sobre a história e a situaçom do euskara, com dados como o número de basco-falantes que há em Sam Sebastiám e na província de Guipúscoa.
Beola sustém que o dicionário é umha ferramenta altamente interessante para fomentar a língua basca entre os turistas, pois além de ser muito prático, servirá para que o turista sinta interesse e curiosidade por este idioma.
