PGL – O grupo parlamentar do BNG apresentou umha proposiçom nom de lei para tratamento na Câmara que visa a solicitude de adesom da Galiza como observadora associada à Comunidade dos Países de Língua Portuguesa (CPLP).
Destarte, a formaçom nacionalista lembra que o atual artigo 35.3 do estatuto de autonomia da Galiza recolhe a possibilidade de estabelecer tratados ou convénios que permitam o estabelecimento de relações culturais com os Estados com que mantenha «particulares vínculos culturais e lingüísticos». Para o BNG, «é evidente que, sem os citar, este preceito estatutário refere-se aos Estados que, começando por Portugal, possuem rasgos históricos, culturais, mas sobretudo lingüísticos, que os permitem identificar e associar ao nosso país. Estamos a falar, pois, com toda clareza, do âmbito da Lusofonia».
Para o grupo parlamentar do BNG, a Galiza possui umha «vantagem competitiva» única no Estado espanhol, vinculada à pertença da Galiza ao sistema lingüístico galego-português. Porém, esta nom está a ser aproveitada. Um exemplo «esperpêntico» desta falta de aproveitamento ilustram-no com um exemplo tirado do âmbito educativo: atualmente há mais centros de ensino na Estremadura espanhola a ministrarem português do que na própria Galiza. Em opiniom dos parlamentares do BNG, esta situaçom «surrealista» deve-se a preconceitos políticos e ideológicos dos governos galego e espanhol, que se limitam a considerar a Galiza como «província espanhola», privando-a de explorar o relacionamento com o resto da Lusofonia. Na sua argumentaçom, do BNG lembram que mesmo umha antiga colónia espanhola, a Guiné-Equatorial, declarou o português como terceira língua oficial do país a fim de poder entrar na CPLP.
O artigo 7.1 da CPLP permite a entrada como observadores associados de aquelas entidades territoriais dotadas de órgãos de administraçom autónomos, o qual permitiria a participaçom da Galiza.
BNG defende vantagens da incorporaçom da Galiza à CPLP
{youtubejw}Cn7IEV0_xQA{/youtubejw}
+ Ligações relacionadas:
- Mais 110 mil lusófonos podem ampliar a CPLP com a chegada da Namíbia [PGL, 14/08/2012]
- Apresentam no Parlamento ILP «para o aproveitamento da língua portuguesa e vínculos com a Lusofonia» [PGL, 16/05/2012]
- Santiago Lago: «Cada vez mais empresários galegos encontram no Brasil um crescente mercado para os seus produtos e um espaço de abastecimento» [PGL, 24/05/2012]
- Parlamento da Guiné Equatorial aprova português como terceira língua oficial do país [PGL, 12/10/2011]
- Austrália, Indonésia, Luxemburgo, Suazilândia e Ucrânia interessados em entrar na CPLP [PGL, 22/06/2010]
- Ao redor de 17 mil senegaleses estudam português no ensino secundário [PGL, 01/09/2008]
- Senegal será admitido como membro observador da CPLP em
