PGL – O novo autarca do município de Val-Boa, na parte ocidental da comarca do Berzo, tomou posse do seu cargo em galego. Nom seria notícia se nom fosse polo facto de a comarca estar sob administraçom castelhano-leonesa e serem poucos os representantes públicos a utilizarem a nossa língua nos atos solenes.
Também surpreende a notícia devido à filiaçom política de José Manuel Gutiérrez Monteserín, quem milita no Partido Popular, formaçom que nom se tem destacado precisamente polo apoio às outras línguas diferentes do castelhano que se falam no Estado espanhol.
Contudo, no Diario de León, que recolhe este facto, assinalam que Monteserín utilizou na toma de posse o «idioma vizinho», em referência à língua da Galiza, esquecendo que também é a língua própria de Val-Boa.
