PGL – Com a chegada do Dia dos Defuntos, por toda a Galiza organizam-se atividades, desde recriações do Samaim até roteiros, concertos e muito mais. A seguir, assinalamos algumhas das mais sobranceiras.
Festa da Noite dos Defuntos (A Gentalha do Pichel, Compostela)
A Gentalha do Pichel organiza para a noite de 31 de outubro umha Festa dos Defuntos. A atividade começará às 19h30 com umha visita guiada ao cemitério compostelano de Bonaval. Meia hora depois haverá umha Procissom da Companha. Já para as 23h30 será a festa propriamente dita, com DJ e coquetéis sanguentos.
Maratona de cinema de terror (C. S. Gomes Gaioso, Corunha)
Do Centro Social Gomes Gaioso da Corunha organizam para a noite de 31 de outubro umha «Maratona Tunanta de Cinema de Terror». Será a partir das 22h e haverá petiscos de graça.
Festa do Samaim (Mádia Leva!, Lugo)
Na noite do 31 de outubro, o local social Mádia Leva de Lugo organiza umha Festa do Samaim. Haverá um obradoiro de cabaças para crianças e pessoas adultas a partir das 19h30 e depois, às 21, sessom e conta-contos com João Rodízio, histórias dum dia de defuntos. Todo isto irá acompanhado de petiscos e rações. Como outros anos, no remate sairá-se para deixar as cabaças em diferentes ruas da cidade.
Noite do Samaim (Revira, Ponte Vedra)
Por sétimo ano consecutivo, a Associaçom Cultural Revira celebrará com a cidadania mais umha noite de Samaim. As atividades iniciarám na quinta-feira às 19h com um obradoiro de cabaças. às 20h30, o professor José Manuel Barbosa falará das origens do Samaim e da sua vinculaçom com a cultura galega. Já às 22h30 haverá umha ceia popular que requer inscriçom prévia no co-e centrosocial[arroba]revira.org. Por último, a partir da meia-noite haverá queimada e mais festa.
III Roteiro da Pantalha (Amig@s da Cultura, Ponte Vedra)
Nova ediçom do Roteiro da Pantalha que Amig@s da Cultura organiza conjuntamente com a tropa do Capitán Gosende —contando também com a colaboraçom da Irmandade Druídica Galaica—. Serám de novo as corredoiras da paróquia de Pedre (Cerdedo-Terra de Montes) as que poderám olhar a marcha da espectral Pantalha na noite d3 31 de outubro, noite do Samaim. O roteiro começará às 20h e sairá da Eira Grande de Pedre. Recomenda-se levar aparelhos de iluminaçom tradicionais para o roteiro, bem como calçado ajeitado para terrenos irregulares.
Posteriormente, haverá umha ceia e umha sessom de conta-contos na Casa Florinda. De Amig@s da Cultura encorajam para as pessoas levarem o seu próprio conto, acaído ao espírito da noite em que se dilui a fronteira entre o Aquém e o Além. O preço da ceia é 18€ e também será possível reservar um quarto por 15€; contudo, para as reservas é necessário telefonar para o 687 742 323 ou para o 986 753 180 ou enviar um correio-e a florindarural[arroba]gmail.com.
Samaim 2013 (C. S. Lume!, Vigo)
O Centro Social Lume de Vigo organiza para a quinta-feira, a partir das 18h, a sua particular celebraçom do Samaim. A essa hora haverá um obradoiro de cabaças focada nas crianças, complementada com animaçom e jogos diversos. Para as 22h está programado um concerto de Alba Rodríguez e, já a partir da meia-noite, darám-se as boas-vindas ao inverno com um conjuro e queimada.
Nota da redaçom: esta informaçom irá-se atualizando com as atividades que chegarem ao endereço noticias[arroba]pgl.gal
