De regresso das férias do Natal, temos várias cousas novas em andamento:
– Sorteio da rifas de natal, Eis as pessoas premiadas no sorteio de natal da Semente Lugo. Contacta-nos através do mail sementelugo@gmail.com para che entregarmos o prémio.
- 1º prémio: Noite de alojamento na casa rural Casa de Baixo. Nº premiado:61
- 2º prémio: Disco das Bouba assinado polas autoras. Nº premiado: 74
- 3º prémio: Lote de livros de Estaleiro e Através. Nº premiado: 41
– Curso de teatro criativo, se andas a pensar numha atividade para o teu filho ou filha em que poida dar asas à sua imaginaçom e improvisaçom e melhore a sua expressom linguística em galego, este curso de teatro criativo está feito à sua medida.
Duraçom de fevereiro a junho umha hora por semana.
Inscriçom até 26 de janeiro e aula grátis 31 de janeiro.
Crianças de 5 a 10 anos.
Dirige o curso Isa Herrero de Lucecus teatro.
Dirige o curso Isa Herrero de Lucecus teatro.
– Actividade das Sementinhas, As Sementinhas é um espaço de encontro em galego para crianças de 0 a 2 anos. Todas as segundas-feiras (luns) entre as 18:00h e as 19h30 na Semente Lugo as meninhas e meninhos podem brincar e participar de atividades que favorecem o seu desenvolvimento num ambiente de respeito, fomento e amor pola nossa língua e cultura. Em cada sessom apresentaremos algum material adaptado à idade das crianças e explicaremos como podemos usar vários recursos de jogo-aprendizagem com as crianças. A actividade é gratuita.
Para te inscrever ou qualquer dúvida podedes chamar ao 615174121 ou escrever um correio a sementelugo@gmail.com
– Actividade de Expressom Artística, seguimos com essa actividade mas por melhor adequaçom das familias que estám participando e da professora, mudamos o dia de celebraçom. Antes faziamos às terças de 17h a 18h e agora fazemos às segundas-feiras (luns) de 17h a 18h, por se a algumha criança ainda se anima a somar-se ao grupo!
Enviamos em anexo cartaz da actividade de teatro criativo com mais info. Na próxima semana acaba o prazo!
Actividades em preparaçom:
Já andamos a preparar o acampamento de entroido para os dias 12 e 14 de fevereiro. Celebraremos o entroido tradicional (faremos filloas, vestiremos roupas velhas para correr o entroido e faremos farinhada) Vais perder o entroido tradicional sem ter que sair de Lugo?
Já temos data para um obradoiro de pré-circo para crianças e famílias para 24 de fevereiro das 11h às 14h. Dara-o umha pessoa especializada e arte circense.
Seguiremos informando….
— 
ASOC SEMENTE DE LUGOEdificio da antiga Escola de Barbaim s/n
27140 – Santa Maria de Bóveda, Lugo
GALIZA
