PGL – Dúzias de desportistas galegos reunírom-se ontem à noitinha no Colégio de Fonseca (sede do reitorado da USC) para darem o seu apoio a um manifesto pola promoçom do galego nas actividades desportivas.
A iniciativa surgiu da Vice-reitoria de Cultura (que chefia o professor Elias Torres Feijó) e da Fundación AZKAR. Além da presença de Elias Torres e do gerente da fundaçom (Oscar Hermida), também participárom no acto a directora-geral para o Desporto, Marta Souto; o chefe de Desportos da Rádio Galega, Terio Carrera; e a ciclista Eva Castro.
Deste jeito ficou constituído o Foro do Desporto Galego em Galego, que nasce com o compromisso de que «a nossa língua comum seja a nossa forma habitual de expressom, o galego que nos une», como sentencia o manifesto.
Deste jeito realiza-se um chamamento a todas as pessoas que percebem o galego «como parte de todas e todos nós», em particular desportistas, instituições e outras entidades e pessoas vinculadas ao desporto. Também se realiza um apelo a desenvolver acções que permitam avançar nesse objectivo partindo da concepçom da actividade desportiva como «lugar de encontro e fraternidade», igual que o é a língua galega.
+ Ligações relacionadas:
