PGL – O presidente do Conselho da AGAL, nos termos legais e estatutários, notificou a convocatória de Assembleias Extraordinária e Ordinária da entidade. Terám lugar no dia 27 de novembro no salom de atos da Biblioteca Municipal Ánxel Casal (Avenida de Joám XXIII s/n, Santiago de Compostela). O primeiro chamado é às 10h30 e o segundo às 11h.
Primeiro decorrerá a Assembleia Extraordinária, em horário de 11 a 12 horas. Depois será a Extraordinária, de 12 a 13 horas. A seguir indicam-se os horários e ordens de trabalhos para as duas reunions.
Assembleia Extraordinária. 11:00-12:00
- Substituiçom na Secretaria. Gerardo Uz toma o lugar de Eugénio Outeiro, que passa a ser vogal.
- Incorporçom de Breogám Antón Martínez Vila ao conselho.
- Mudança de sede social para Santa Clara 21, Santiago de Compostela.
- Adaptar o texto dos estatutos à atualizaçom da normativa ortográfica da AGAL.
- Acrescentar texto referente à Agália:
f) Revista Agália
Artigo 43º
A Agália é a revista científica da AGAL, que é responsável pola sua publicaçom de acordo com os termos e procedimentos estabelecidos nos presentes estatutos.
f1) O Conselho da AGAL nomeará umha ou duas pessoas da sua confiança para se ocuparem da direçom da revista. O Conselho poderá confirmar ou renovar a direçom da Agália de maneira ordinária após períodos de quatro anos e, de maneira extraordinária, quer por iniciativa do Conselho da AGAL quer da própria direçom da Agália.
f2) O Conselho da AGAL garante a sua colaboraçom com a direçom da Agália e a plena autonomia desta para desenhar e executar tanto a política científica e editorial da publicaçom como os aspetos relacionados com a sua organizaçom e funcionamento internos, de acordo com o estabelecido nos estatutos da associaçom. Neste sentido, o Conselho da AGAL fornecerá à direçom da Agália toda a informaçom e os meios necessários para o desenvolvimento das suas funçons.
f3) A Revista Agália contará com espaço próprio no servidor web da associaçom, onde poderá disponibilizar o conteúdo histórico da revista ou qualquer outro material que a direçom julgar necessário para a realizaçom das suas funçons ou a consecuçom dos fins da publicaçom.
f4) Ouvida a direçom da Agália, ou por iniciativa desta, o Conselho da AGAL poderá estabelecer parcerias ou assinar convénios com outras instituiçons científicas, académicas ou culturais, aos efeitos de avalizar ou reforçar o caráter científico da publicaçom, ou com o fim de atingir os objetivos estratégicos da revista. Em qualquer caso, os eventuais acordos relacionados com a gestom científica ou editorial da Agália serám estabelecidos polo órgao competente da associaçom com outras instituiçons, sempre por tempo definido, e, contemplarám a sua revisom periódica, a sua reversibilidade e serám regulamentados e protocolorizados num documento com validez legal assinado por todas as partes envolvidas.
f5) A direçom da Agália é responsável perante o Conselho polo bom funcionamento da revista, polo desenho e execuçom da política científica e editorial da publicaçom, pola sua organizaçom e funcionamento internos e polo cumprimento dos objetivos marcados no projeto científico e editorial encaminhado para o Conselho da AGAL no prazo máximo de três meses após o seu nomeamento ou confirmaçom.
f6) Para além da oportuna e efetiva coordenaçom, é responsabilidade da direçom da Agália designar, confirmar ou renovar os membros dos Conselhos editorial e científico da publicaçom (para o qual poderám ser ouvidas as distintas Comissões da AGAL e/ou o seu Conselho).
f7) Com caráter ordinário, a direçom da Agália encaminhará para o Conselho da AGAL um relatório anual em que constem as atividades realizadas, o grau de consecuçom ou progresso dos objetivos marcados e as linhas estratégicas previstas para o imediato futuro.
Assembleia Ordinária. 12:00-13:00
- Leitura das atas anteriores.
- Apresentaçom do projeto da revista Agália do seu novo diretor, Roberto Samartim.
- Outras questons.
