PGL – No passado sábado, dia 1 de janeiro, decorreu em Vigo umha assembleia extraordinária da Associaçom Galega da Língua (AGAL). Depois, como vem sendo habitual, houvo um jantar de confraternizaçom num restaurante próximo do local da assembleia.
O motivo da assembleia extraordinária foi proceder a umha atualizaçom dos membros do Conselho da AGAL. Com o apoio unânime dos sócios e sócias, realizou-se umha substituiçom à frente da Tesouraria, que doravante gerirá Francisco José Gonçales, e incorpora-se também às funções diretivas o sócio Xián Naya. O presidente da AGAL, Miguel R. Penas, agradeceu o trabalho realizado por Ângelo Lodeiro e Jurjo Martins, que causárom baixa no Conselho. Desta maneira, a nova composiçom do Conselho da AGAL é: Miguel R. Penas (presidente), Valentim Fagim (vice-presidente), Manuel López (secretário), Francisco José Gonçales (tesoureiro), Noemi Nogueiras (vogal), Manuel César Vila (vogal), Gerardo Uz (vogal), Eduardo Maragoto (vogal), xemma Fernández (vogal) e Xián Naya (vogal).
Momentos prévios ao início do jantar de confraternizaçom
[nota: na imagem superior foi editado o ecrám do televisor]
