PGL – A Associaçom Sócio-Pedagógica Galega (AS-PG) está a preparar um vídeo sobre Uxío Novoneyra, autor que será homenageado no Dia das Letras deste ano.
No vídeo, a AS-PG incluirá alguns poemas do livro Os Eidos, e para isso requer a colaboraçom das e dos internautas da Galiza, pois pujo em andamento um casting para a selecçom das vozes.
As pessoas interessadas em participar gravarám em formato MP3 dous poemas d’Os Eidos e enviarám-nos à associaçom através de um formulário electrónico antes de 22 de fevereiro. A gravaçom dos textos terá lugar no mês de março, e o vídeo divulgará-se em abril.
Da AS-PG informam que nomeará umha comissom de selecçom das vozes, que proporá umha masculina e umha outra feminina, «atendendo aos critérios de dicçom, interpretaçom, ritmo e qualquer outro critério a ter em conta nestes casos». As pessoas seleccionadas participarám na gravaçom do DVD e a organizaçom pactará com elas os estipêndios «que de mútuo acordo se estabelecerem».
Contudo, se finalmente a comissom considerar que nenhuma das gravações recebidas cumpre os requisitos exigidos, a AS-PG recorrerá a profissionais para este trabalho. Porém, as achegas recebidas poderiam incluir-se no DVD numha secçom de ‘Extras’.
