PGL – A Fundaçom Artábria solicita ajuda económica para a organizaçom do XI Festival da Terra e da Língua, que decorrerá os dias 15 e 16 de julho no Moinho de Pedroso (Narom). Serám dous dias de confraternizaçom, aprendizagem, debate e muita festa.
O Festival, com entrada gratuita, conta com um amplo programa de atividades e umha variada oferta musical. Para poder financiá-lo contam com umha pequena ajuda do Concelho de Narom, mas esta é quase a metade que o ano interior, polo qual a organizaçom apenas conta com os ingressos de balcom, publicidades e vendas de rifas.
Contudo, mesmo assim a cifra nom é suficiente para manter o nível de qualidade de anteriores ediçons, polo qual solicitam a colaboraçom das pessoas mais comprometidas com a língua e a cultura. É possível fazer doaçons na conta de Novacaixagalicia 2091-0226-21-3040022733.
