PGL – A 9 de junho de 1981 era redigida na cidade da Corunha a ata fundacional da Associaçom Galega da Língua (AGAL). Aproveitando a efeméride, e como parte dos atos para comemorar o 30º aniversário da entidade, hoje arranca o concurso para escolher um novo logótipo da associaçom.
A seguir reproduzimos as bases do concurso, o qual foi apresentado às sócias e sócios na Assembleia Geral da AGAL do passado 9 de abril.
CONCURSO ‘AGAL 30 ANOS’
Este 2011 a AGAL cumpre 30 anos. Como parte das atividades previstas para comemorar este aniversário, o Conselho da associaçom achou ser este o momento oportuno para realizar umha mudança do logótipo da entidade. O logo atual, elaborado por João Guisán Seixas, cumpriu muito bem o cometido nos últimos lustros, e de umha forma muito clara e simples evoca o que é a principal missom da nossa associaçom, «lograr umha substancial reintegraçom lingüística» no âmbito que nos é próprio, o galego-luso-brasileiro-africano e timorense.
O Conselho da AGAL apresentou o concurso numha Assembleia Geral que tivo lugar no dia 9 de abril de 2011, cujas bases som as que se indicam a seguir.
BASES
1. Finalidade. O concurso AGAL 30 ANOS (em adiante, ‘O CONCURSO’) tem por objetivo designar um novo logótipo para a Associaçom Galega da Língua (AGAL).
2. Funcionamento. A mecânica do concurso é a que se indica a seguir:
a) Cada pessoa participante poderá enviar até um máximo de três propostas de novo logótipo par a associaçom.
b) As propostas apresentadas deverám ser enviadas em formato escalável (vectorial) e juntar versom em mapa de bits.
c) Se o desenho apresentado for a cor, deverá-se acompanhar também umha versom optimizada em escala de cinzentos.
d) Os envios serám endereçados ao correio eletrónico secretaria[arroba]agal-gz.org. No assunto da mensagem devem aparecer os termos “AGAL 30 ANOS” (sem aspas), e no corpo da mensagem indicar-se-á o nome e apelidos da pessoa que participa, um telefone de contato, um endereço postal e um endereço eletrónico para notificações.
3. Prazos. O prazo para enviar propostas arranca a 9 de junho de 2011 e finaliza a 31 de dezembro de 2011. A resoluçom do júri comunicará-se durante o mês de janeiro de 2012 no Portal Galego da Língua (www.pgl.gal). A AGAL começaria a utilizar o novo logótipo duas semanas depois da resoluçom do júri.
4. Declaraçom de originalidade. A participaçom no concurso equivale a umha declaraçom jurada conforme as propostas apresentadas serem originais e nom vulnerarem direitos de autoria de outrem, dos quais em modo algum a AGAL seria responsável.
5. Direitos. A participaçom no concurso implica a cessom total para a AGAL de quaisquer direitos sobre as criações originais enviadas para o concurso.
6. Exclusões. O incumprimento de qualquer um dos requisitos indicados provocará automaticamente a exclusom do concurso, salvo interpretaçom contrária do Conselho da AGAL.
7. Privacidade. Os dados pessoais recolhidos serám utilizados apenas para garantir o correto funcionamento do concurso e permitir o contato com as/os participantes. Nom serám armazenados em qualquer tipo de ficheiro eletrónico e/ou mecânico, e todas as mensagens relativas ao concurso serám eliminadas num prazo máximo de três meses a partir da comunicaçom do falho do júri ou automaticamente por petiçom direta da pessoa ou pessoas interessadas.
8. Resoluçom. Um júri designado pola AGAL entre sócios da mesma e/ou profissionais do desenho gráfico que NOM tenham participado no concurso será quem decida a proposta ganhadora.
9. Prémio. A pessoa cuja proposta resultar ganhadora obterá como prémio umha refeiçom em Casa Tito (Campo Lameiro); umha pernoita numha casa de turismo rural com ceia e pequeno almorço incluídos, a escolher nos períodos maio-junho de 2012 ou setembro-outubro de 2012, sempre segundo disponibilidade da casa; e um cheque de 200 euros em produtos da loja Imperdível (www.imperdivel.net), que será entregue em forma de códigos promocionais, bem como a possibilidade de associaçom grátis um ano à AGAL e desfrutar das vantagens em produtos e atividades da associaçom.
Poder-se-á conceder também um accessit em forma de associaçom grátis um ano à AGAL, incluindo também as vantagens mencionadas.
10. Disposições adicionais. A participaçom no concurso implica a aceitaçom das bases. O Conselho da AGAL faculta-se para considerar deserto o concurso ou resolver qualquer situaçom imprevista nom contemplada explicitamente nas presentes bases.
MODIFICAÇOM APROVADA A 19 DE NOVEMBRO
O Conselho da AGAL, em reuniom que tivo lugar a 19 de novembro, aprovou alargar o prazo de envio de propostas a 31 de dezembro. Portanto, a deliberaçom do júri será no mês de janeiro.
+ Ligações relacionadas:
