PGL – No passado sábado, dia 15 de maio, foi apresentada na biblioteca “Ánxel Casal” de Santiago de Compostela a página web dedicada ao centenário do professor Ricardo Carvalho Calero, www.carvalhocalero2010.net.
A página é promovida por diversas entidades culturais como a Associaçom Galega da Língua (AGAL), a Mesa pola Normalización Linguística, a Fundaçom Artábria, a Associação Cultural Pró-AGLP, o Local Social Aturuxo, o Centro Social Gomes Gaioso e o Instituto Cultural Brasil-Galiza.
Eugénio Outeiro num momento da apresentaçom
Neste site web pode-se encontrar a mais completa biografia e bibliografia de Carvalho Calero, assim como citas do autor, mediateca e informaçom sobre as actividades que as entidades promotoras realizam durante o ano 2010 sobre a obra do primeiro catedrático de língua galega da nossa história, além de Filho Ilustre da Galiza, segundo reconhecimento feito polo Parlamento em 1996.
Valentim R. Fagim, presidente da AGAL, e José Tubio, coordenador do site
No lançamento público, o desenhador, Eugénio Outeiro, fizo umha apresentaçom dos aspectos técnicos e de desenho do site web. Por sua parte, o presidente da AGAL, Valentim R. Fagim, lembrou que a associaçom fizo umha “convocatória aberta” e que “a sociedade civil está a fazer o que tinham que fazer as instituiçons”. Finalmente, o coordenador da página, José Tubio, explicou os conteúdos das diferentes secçons do site e incidiu em que o espírito é o de somar mais colectivos ao projecto.
+ Ligaçons relacionadas:
