PGL – Nesta quinta-feira, 27 de setembro, às 20h00, na livraría Couceiro em Compostela será apresentado o último livro editado pola Corsárias Editoral. Trátase do poemário “Doenças dum espelho” de Laura Branco.
Além da autora, intervirám na apresentaçom a jornalista e actriz Comba Campoy, o debuxante Celso Dourado e o responsável da editoral Pepe Árias. O evento contará com a atuaçom musical da cantante galego-palestiniana Najla Shami.
“Há nesta poesía a marca daquilo a que Novalis chamou os “fragmentos da noite”, na lógica da súa estética romântica, e essa noite é também a dos palcos das tragédias e da celebraçâo dos mistérios, enquanto os cavalos e os lobos correm contra o vento, tentando alcançar a raiz do que só no poema pode ser nomeado, para logo a seguir ser esquecido, em nome da eternidade dos verdadeiros segredos”.
Do limiar, José Jorge Letria.
Laura Branco (Foz, 1984) Licenciada em Filologias Portuguesa e Galega pela USC, e DEA no programa de doutoramento Teoria da Literatura e Literatura Comparada. É membro, desde 2006, do grupo de investigaçom GALABRA da USC, realizando atualmente a sua tese de Doutoramento. Trabalha como tradutora e corretora lingüística, e estuda Psicología pela UNED.
As pessoas que nom puderem ir á apresentaçom podem solicitar o livro no correio electrónico editora[@]corsarias.net. Para os correios que chegarem antes da apresentaçom, os gastos de envío correm pola conta da editora.
