PGL – Hoje, quarta feira dia 16 de decembro, às 12h00, a livraria Torga de Ourense (Rua da Paz, 12) acolhe a apresentaçom pública da revista Estega / Escola Pública Galega, editada polo Sindicato de Trabalhadoras e Trabalhadores do ensino da Galiza (STEG).
O STEG apresentará o número 0 da nova revista. Umha publicaçom que sai do prelo com o intuito de servir à comunidade educativa galega, e voltada para as novidades, iniciativas, experiências e actividades que se desenvolvem nos distintos centros de ensino galegos.
Este primeiro número, consta dum monográfico sobre o uso da língua galega no ensino, ademais de colaboraçons de reconhecidos docentes, assim como secçons dedicadas a novidades editoriais, música, banda desenhada etc.
O presidente da Agal e professor de Português na Escola Oficial de Idiomas de Ourense, Valentim Rodrigues Fagim, colabora com um artigo no que descreve a campanha: Ser língua nom é fácil, que tivo lugar na referida EOI.
