PGL – No vindouro 11 de setembro cumprirám-se seis meses da publicaçom da ordem de subvençons às entidades locais para a promoçom do galego. No caso de nom se terem resolto antes, ficarám denegadas por silêncio administrativo.
A Coordenadora de Trabalhadores/as de Normalizaçom Lingüística (CTNL) afirma que leva tempo a lhe solicitar informaçons a respeito à Secretaria Geral de Política Lingüística (SGPL), chefiada por Anxo Lorenzo, mas por enquanto nom recebeu resposta.
Da CTNL já denunciárom em anos anteriores a «ineficácia» da convocatória pola demora nas resoluçons, mas reconhece que é a primeira vez em que a resposta tarda tanto ou que «se lhe nega informaçom a esta entidade», razom pola qual suspeitam que a Junta pretende fazer desaparecer as ajudas pola via do silêncio administrativo.
Os pedidos de informaçom da CTNL sobre estas ajudas correspondem aos passados dias 4, 12 e 19 de julho, bem como a 11 de agosto. Por enquanto, a CTNL continua sem ter recebido qualquer resposta.
