PGL – O produtor de cinema e presidente do Clúster Audiovisual Galego, Antón Reixa, é entrevistado nas páginas do Novas da Galiza, com uma série de respostas que vale a pena destacarmos, como aquela que ilustra o título desta notícia ou ainda que «a Lusofonia tem umha sensibilidade nula para a unidade linguística com o galego».
Além da entrevista a Antón Reixa, as páginas do Novas publicam nesta ediçom entrevistas em primeira mão a Ana Lois, ex-funcionário acossado no concelho de Doçom durante dez anos; Alberto Granja, secrtário da Associaçom Cultural O Naranxo; e Sabela Facel e Luís Fontenla, impulsionadores do Sequeiro da Portela, um projecto de recuperaçom dos soutos do Courel.
Por outro lado a marcha de Galicia Bilingue e a resposta em defesa da língua que no passado dia 8 de Fevereiro juntou pessoas vindas de todo o País na capital galega, centram a análise principal do novo número do jornal Novas da Galiza, acompanhando material fotográfico muito ilustrativo dos acontecimentos.
As eleiçons também focam atençom do jornal sobernaista que dá voz a cinco militantes com diferentes perspectivas a respeito da cita eleitoral do 1 de Março: votar qualquer umha das opçons soberanistas representadas por NÓS-UP e a FPG, votar BNG como aglutinante frente à direita e o PSOE, obviar a participaçom eleitoral enquanto o movimento político nom madurecer ou castigar a divisom soberanista através da abstençom ou o voto nulo.
Além de outra série de notícias que acompanham a actualidade informativa geral, como a marcha de Galiza Nom se Vende; internacional, com as palavras de Pedro Cayuquero dando a conhecer o jornal mapuche Azkintuwe; ou desportiva, com a liga nacional de bilharda e o atletismo popular; o Novas apresenta desta vez artigos de opiniom e análise assinados por Maria Xosé Queizán, Dionísio Pereira e Eliseo Fernández, Toni Lodeiro, além das habituais colunas de Valentim R. Fagim, Beatriz Santos ou F. Traficante.
Como também vem sendo habitual nestes últimos número do periódico galego de informaçom crítica, junto com o jornal é distribuído o suplemento A Revista, cujo número cinco está virado para o ridiculismo como espelho.
