PGL – O diário corunhês Xornal de Galicia publicia hoje que Andrés Freire, autor de um informe da FAES (fundaçom ligada ao PP) contra a normalizaçom do galego, foi um dos fundadores de Galicia Bilingüe (GB). Licenciado em Filologia Clássica e professor de Língua Espanhola, Freire criou em 2007 a plataforma Tan Gallego como el Gallego —da qual formava parte Gloria Lago, actual presidenta de GB— e posteriormente Vigueses por la Libertad.
Ainda, tal como recolhia a própria web de Tan Gallego como el Gallego, estas associaçons assumiam as reivindicaçons da preexistante Asociación Gallega por la Libertad de Idioma (AGLI), que ainda hoje na sua antiquada web intitula «Libertad Idioma Español».
No seu informe para a FAES, Freire assegurava cousas como que o galego só sobreviveu graças ao «isolamento» da Galiza e ao «analfabetismo» dos camponeses, ao tempo que fachendeava dos avanços do castelhano apesar do investimento económico nas políticas de normalizaçom, motivo para ele suficiente para desterrá-las no canto de potenciá-las.
Ainda, este fundador de Galicia Bilingüe —colectivo que publicamente assegura defender o galego e o castelhano em igualdade de condiçons—, a normalizaçom do galego «é a última das extravagâncias que atravessa a história da Espanha».
