PGL – A Assembleia da Mocidade Independentista (AMI) informa de que umha denúncia de Galicia Bilingüe pode levar ao feche do seu sítio web. A organizaçom juvenil afirma que um julgado de Vigo, na seqüência do processo aberto contra três militantes, ditou um auto de encerramento da página.
AMI lembra que o dito processo tinha por objecto delimitar a autoria de um conhecido vídeo intitulado Vilinguismo, crítico com a galego-fobia. Devido à pouca informaçom que a Guarda Civil e a Polícia lográrom para a instruçom, o julgado pediu dados mais explícitos para esclarecer a autoria, e «três militantes da organizaçom fôrom citadas como responsáveis da AMI meses depois da abertura do expediente, sendo até duas vezes chamadas a declarar».
Contudo, segundo AMI, contra a decisom do encerramento da página web cabe ainda interpor um recurso de apelaçom.
