O alunado do CPI dos Dices, em Rois acabou de lançar um material audiovisual elaborado polo alunado em que se fai, a modo de noticiário, um completo repasso pola figura de Carvalho Calero, com numerosas entrevistas e perspectivas tanto através das etapas vitais dum modo mais biográfico e contextual, como em base à sua obra, centrando a análise por géneros. Ao longo do “informativo” falam diferentes pessoas especialistas, como o académico Xosé Luís Axeitos, a catedrática Pilar García Negro, o xornalista lucense Xurxo Xiz que descreve a etapa do autor nesta cidade, a comisária da exposiçom em Ferrol sobre a sua figura, Delia Vázquez, ou a professora e ex-aluna sua, Ramona Giráldez. Também se recolhem declaraçons do historiador Afonso Vázquez Monxardín, o investigador Paulo Fernández Mirás, o escritor Miro Villar ou a escritora Araceli Herrero. A especialista em teatro, Laura Tato, descreve a obra teatral do homenageado nas letras deste ano, e a escritora Inma Lopez Silva sinala a importáncia do canone que sentou Carvalho com a sua história da literatura galega. Ainda, em relaçom ao Carvalho reintegracionista fala o presidente da AGAL, Eduardo Maragoto, que explica esta posiçom.
O projeto tem conta em twitter e nos anos anteriores já realizarom telejornais similares, como este dedicado ao escritor das Letras Galegas de 2019, Antonio Fraguas.
